No corazón da Antela

Foto de María Concepción Méndez Gándara, nun cartel electoral das eleccions locais do ano 2007   Outra interesante entrada relacionada ca historia local de Sandiás, neste caso no mundo da política local,  dedicada a María Concepción Méndez Gándara, mestra en varias localidades de Ourense (moitos anos en Xinzo de Limia) e alcaldesa de Sandiás durante moitos anos (1979-2015). Pódese ver no impresionante blog ¨Historia das nosas Mulleres Ourensás¨ da profesora e investigadora ourensá Rosa Cid Galante.  Máis información no seguinte ligazón:  https://mulleresourensas.blogspot.com/2023/07/maria-concepcion-mendez-gandara.html

# Memoriarural  1979: Os concelleiros de Sandiás renunciaban as súas retribucións ata que as arcas estiveran abastecidas ( La Región , 2 de decembro de 1979)

#Memoriarural 1979: Tarxeta de Delegado de Mª Concepción Méndez Gándara, alcaldesa de Sandiás, na III Asamblea Provincial da Unión de Centro Democrático (UCD) de Ourense,  que tivo lugar no ano 1979. 

Principios dos anos 80: Sinatura da alcaldesa de Sandiás, María Concepción Méndez, do crédito que o Concello de Sandiás concertaba co Banco de Crédito Local de España na súa sede de Madrid. Fai 40 anos, un centenar de mulleres alzaron a voz para dar voz á cidadanía. Elas foron 104. Eles, 7.937.  Unha delas foi Mª Concepción Méndez Gándara, alcaldesa  de Sandiás elixida o 3 de abril de 1979. O 21 de novembro de 2019 , a Federación Española de Municipios y Provincias (FEMP)  recoñece o valor das alcaldesas do 79 nun acto no Senado.  #40añosdedemocracialocal  

#Memoriarural 1979: o 3 de abril de 1979 celebráronse en España as primeiras eleccións municipais democráticas desde o ano 1931. Nas dúas fotos da parte superior, podemos ver a tarxeta publicitaria da candidatura da UCD de Sandiás, gañadora destos comicios. Na que se pode observar na portada unha dos lugares máis emblemáticos do concello de Sandiás, a igrexa de Santo Estevo, co seu cruceiro e a súa reitoral. 

#Memoriarural 1979: o 3 de abril de 1979 celebráronse en España as primeiras eleccións municipais democráticas desde o ano 1931. Nas fotos, vemos o folleto das municipais de 1979 usado pola UCD de Ourense. No seu anverso, aparecia a foto do presidente Adolfo Súarez, e no reverso  as razóns para votar á UCD. Conxuntamente con este folleto, axuntabase a papeleta da candidatura da UCD local e unha postal cunha foto representativa do concello. No caso do concello de Sandiás a imaxe escollida foi a igrexa de Santo Estevo.

#Memoriarural 1979: Victorino Núñez e Vázquez Iglesias, elixidos presidente e secretario da Unión de Centro Democrático (UCD) de Ourense.

# Memoriarural  1979: As obras que se incluén no plan provincial ascenden a máis de 8 millóns de pesetas. Información sobre a solicitude do Concello de Sandiás ó Ministerio de Educación para empregar un dos antigos locais das escolas unitarias como biblioteca, xa que neste ano atendese esa necesidade co servizo de bibliobús (La Región, 12 de agosto de 1979).

# Memoriarural  1979: En xuño de 1979, o corresponsal da Rexión en Sandiás, Luis Otero (Piñeira de Arcos), falaba das xestións para crear un campo de tiro en Arcos ou da construcción dun campo de fútbol no campo de San Nicolás en Sandiás (La Región, 10 de xuño de 1979)

# Memoriarural   1979: En xuño de 1979 rematouse a traída de augas de Sandiás (La Región, 30 de maio de 1979)