No corazón da Antela

#Memoriarural 1979: Tarxeta de Delegado de Mª Concepción Méndez Gándara, alcaldesa de Sandiás, na III Asamblea Provincial da Unión de Centro Democrático (UCD) de Ourense,  que tivo lugar no ano 1979. 

#Memoriarural 1980: Tarxeta de compromisario de Mª Concepción Méndez Gándara, alcaldesa de Sandiás, no II Congreso Nacional da Unión de Centro Democrático (UCD), que tivo lugar durante os días 6, 7 e 8 de febreiro de 1980 en Palma de Mallorca. Neste congreso presentou a súa dimisión como presidente da UCD, Adolfo Súarez, durante o discurso pronunciado ante os 1.800 compromisarios de toda España.  

Principios dos anos 80: Sinatura da alcaldesa de Sandiás, María Concepción Méndez, do crédito que o Concello de Sandiás concertaba co Banco de Crédito Local de España na súa sede de Madrid. Fai 40 anos, un centenar de mulleres alzaron a voz para dar voz á cidadanía. Elas foron 104. Eles, 7.937.  Unha delas foi Mª Concepción Méndez Gándara, alcaldesa  de Sandiás elixida o 3 de abril de 1979. O 21 de novembro de 2019 , a Federación Española de Municipios y Provincias (FEMP)  recoñece o valor das alcaldesas do 79 nun acto no Senado.  #40añosdedemocracialocal  

#Memoriarural 1983: A finais de febreiro de 1983 nacía o partido Centristas de Ourense, formado polos ata o de agora membros de UCD de Ourense. Na súa asemblea constituínte en marzo de 1983 foi elixido como presidente, Manuel Ubaldo Atanes Romero, e como secretario xeral,  José Lage Lage , figurando como un militante máis,  Eulogio Gómez Franqueira  ( La Región , 24 de febreiro de 1983).

Foto da tarxeta de compromisario de María Concepción Méndez Gándara (alcaldesa de Sandiás) do congreso extraordinario de Centristas de Ourense, celebrado en marzo de 1984, onde se acordou por unanimidade a integración, por fusión, en Coalición Galega. Nesta ocasión, realicei un breve artigo do partido ó que pertenceu á alcadesa de Sandiás, María Concepción Méndez Gándara, logo da devacle da UCD nas eleccións xerais de 1982. Este artigo acabo de subilo á Galipedia, onde se pode ver:  https://gl.wikipedia.org/wiki/Centristas_de_Ourense Centristas de Ourense foi un partido activo na provincia de Ourense,   xurdido da desintegración da UCD , despois da desfeita das eleccións xerais de 1982 . Nacido e formado a primeiros de 1983 por antigos membros ourensáns de UCD, é dicir, alcaldes e concelleiros desta provincia. Na súa asemblea constituinte en marzo de 1983 foi elixido como presidente, Manuel Ubaldo Atanes Romero, e como secretario xeral, José Lage Lage , figurando c...

Traxectoria de María Concepción Méndez Gándara (Alcaldesa de Sandiás desde 1979 ata 2015) que subín como artigo da Galipedia:  https://gl.wikipedia.org/wiki/Concepci%C3%B3n_M%C3%A9ndez_G%C3%A1ndara María Concepción Méndez Gándara  é unha mestra e política galega do  PPdeG . Traxectoria Mestra de profesión, foi alcaldesa do concello de  Sandiás  durante 36 anos, dende as primeiras eleccións democráticas ata o ano 2015. Sendo unha das pioneiras en Galicia, no que ó servizo público se refire, xa que foi unha das 104 alcaldesas de España elixidas o 3 abril de 1979. Delas soamente 7 en Galicia, 6 na provincia de Ourense. Entrou en política no ano 1979 da man de  Euloxio Gómez Franqueira  e  Pío Cabanillas Gallas , presentándose pola  UCD  de Sandiás nas eleccións de abril de 1979, resultando elixida por maioría absoluta. Delegada na III Asamblea provincial da UCD (1980) e compromisaria nas diferentes asembleas provinciais...

# Memoria rural 1982: O 8 de febreiro de 1982, o presidente da Deputación, Victorino Núñez, e os alcaldes de Sandiás, Porqueira, Os Blancos, Baltar, Sarreaus,Trasmiras, Vilar de Barrio e Xinzo de Limia reunianse co daquela Ministro de Xustiza, Pío Cabanillas (deputado pola UCD de Ourense), para exporlle as necesidades da Limia en materia xudicial. No centro, de loito, podemos ver á alcaldesa de Sandiás, María Concepción Méndez Gándara, a súa esquerda o alcalde de Xinzo de Limia, Isaac Vila, etc. (La Región, 9 de febreiro de 1982).

#Memoriarural 1980: Coa incorporación da alcaldesa de Petín, Belén Outeiriño Rodríguez (UCD), a máis nova de Galicia, sumaban seis as alcaldesas da provincia de Ourense: María Cuquejo Taboada (Cualedro (UCD)), María del Pilar López García (Ramirás (UCD)), María Concepción Méndez Gándara (Sandiás (UCD)), Maria del Carmen Lovelle Alén (Verín (CD - Coalición Democrática)), Elisa Nogueira Méndez (San Cibrao das Viñas (CD - Coalición Democrática)) (La Región, 13 de xaneiro de 1980).

#Memoriarural 1981: O  día 15 de xuño de 1981,  a UCD de Ourense elixía na súa IV Asamblea provincial, celebrada os días 14 e 15 de xuño de 1981,  ós 71 compromisarios encargados de representar a Ourense no I Congreso da UCD de Galicia. A candidatura gañadora foi a única presentada, encabezada por Pío Cabanillas Gallas e Euloxio Gómez Franqueira. Nesta candidatura saiu elixida como compromisaria a alcaldesa de Sandiás, María Concepción Méndez. 

#Memoriarural 1979: o 3 de abril de 1979 celebráronse en España as primeiras eleccións municipais democráticas desde o ano 1931. Nas dúas fotos da parte superior, podemos ver a tarxeta publicitaria da candidatura da UCD de Sandiás, gañadora destos comicios. Na que se pode observar na portada unha dos lugares máis emblemáticos do concello de Sandiás, a igrexa de Santo Estevo, co seu cruceiro e a súa reitoral. 

#Memoriarural 1979: o 3 de abril de 1979 celebráronse en España as primeiras eleccións municipais democráticas desde o ano 1931. Nas fotos, vemos o folleto das municipais de 1979 usado pola UCD de Ourense. No seu anverso, aparecia a foto do presidente Adolfo Súarez, e no reverso  as razóns para votar á UCD. Conxuntamente con este folleto, axuntabase a papeleta da candidatura da UCD local e unha postal cunha foto representativa do concello. No caso do concello de Sandiás a imaxe escollida foi a igrexa de Santo Estevo.

#Memoriarural 1979: Victorino Núñez (Unión de Centro Democrático (UCD)) era elixido presidente da Deputación de Ourense coa maioría dos votos da corporación.