No corazón da Antela

#Memoriarural 1990: Inauguración, coa actuación do Grupo de Danza e Gaitas do Concello de Sandiás da remodelación e reconstrución da Casa do Concello de Sandiás (rematado no 1987) e do Centro de Saúde (rematado en xuño de 1990), contando coa presenza do Presidente da Deputación de Ourense, Xosé Luis Baltar e do Presidente do Parlamento de Galicia, Victorino Núñez.(Sandiás, 28 de setembro de 1990).

#Memoriarural 1988: O 6 de febreiro de 1988, Centristas de Galicia aclamaba como líder único, o seu fundador, Victorino Núñez, no seu primeiro congreso constituinte no Monte Medo (Baños de Molgas), baixo o slogan ¨Artellar Galicia¨.  Na foto da primeira páxina, podemos observar na mesa constituinte,  á alcaldesa de Sandiás, María Concepción Méndez, na parte da esquerda da foto, e a alcaldesa de Cualedro, Marina Cuquejo, na parte dereita da foto. 

#Memoriarural 1985: A presentación de Centristas de Galicia congregaba a un millar de persoas en Xinzo de Limia ( La Región , 10 de outubro de 1985). Na foto, de esquerda a dereita aparecen:  Aurelio Miras Portugal (Parlamentario),  Isaac Vila (Alcalde de Xinzo de Limia), Victorino Núñez (Presidente de Centristas de Galicia e da Deputación de Ourense), José Lage (Parlamentario) e María Concepción Méndez (Alcaldesa de Sandiás).

#Memoriarural 1981: O campo do C.D. Sandiás en marcha. Gran ambiente de público no partido inaugural do campo de fútbol de Sandiás, no que o Sporting Montalegre venceu ó equipo local por 3 goles a 1. Asisitiu ó acto inaugural o presidente da Deputación de Ourense, Victorino Núñez, que aparece acompañado na foto pola alcaldesa de Sandiás ( La Región, 3 de setembro de 1981).

#Memoriarural 1984: En marzo de 1984, o partido Centristas de Ourense determina integrarse por unanimidade en Coalición Galega.  No congreso extraordinario de Centristas de Ourense en marzo dese ano, acordouse por unanimidade a integración, por fusión, en Coalición Galega. Na mesa deste congreso, ademais do presidente,  Manuel Ubaldo Atanes Romero,    o secretario xeral, Santos Oujo Bello , aparecían:  Victorino Nuñez Rodríguez,   presidente da Deputación de Ourense,   Senén Bernárdez Álvarez , senador e deputado da Cámara galega,   Aurelio Miras Portugal   , deputado provincial, e Manuel Vázquez Outeiriño (alcalde da Merca) en representación dos alcaldes da provincia ( La Región , 11 de marzo de 1984).

#Memoriarural  1990: Inauguración, coa actuación do Grupo de Danza e Gaitas do Concello de Sandiás, da remodelación e reconstrución da Casa do Concello de Sandiás (realizada no ano 1987), e do Centro de Saúde de Sandiás, rematado en xuño de 1990, contando coa presenza do Presidente da Deputación de Ourense, Xosé Luis Baltar e do Presidente do Parlamento de Galicia, Victorino Núñez (Sandiás, 28 de setembro de 1990).

#Memoriarural 1981: O presidente da Deputación de Ourense, Victorino Núñez, inauguraba varias obras no concello de Sandiás ( La Región , 1 de setembro de 1981).

Foto da tarxeta de compromisario de María Concepción Méndez Gándara (alcaldesa de Sandiás) do congreso extraordinario de Centristas de Ourense, celebrado en marzo de 1984, onde se acordou por unanimidade a integración, por fusión, en Coalición Galega. Nesta ocasión, realicei un breve artigo do partido ó que pertenceu á alcadesa de Sandiás, María Concepción Méndez Gándara, logo da devacle da UCD nas eleccións xerais de 1982. Este artigo acabo de subilo á Galipedia, onde se pode ver:  https://gl.wikipedia.org/wiki/Centristas_de_Ourense Centristas de Ourense foi un partido activo na provincia de Ourense,   xurdido da desintegración da UCD , despois da desfeita das eleccións xerais de 1982 . Nacido e formado a primeiros de 1983 por antigos membros ourensáns de UCD, é dicir, alcaldes e concelleiros desta provincia. Na súa asemblea constituinte en marzo de 1983 foi elixido como presidente, Manuel Ubaldo Atanes Romero, e como secretario xeral, José Lage Lage , figurando c...

#Memoriarural 1979: Victorino Núñez (Unión de Centro Democrático (UCD)) era elixido presidente da Deputación de Ourense coa maioría dos votos da corporación.