No corazón da Antela

#Memoriarural Ano 1988: Actividades deportivas na pista polideportiva do campo de san Nicolás de Sandiás. Ese mesmo ano houbo un curso de baloncesto cun monitor da Federación Provincial de Baloncesto.

    #Memoriarural 1988: Excursión á Portugal dos rapaces de 8º de EXB do colexio Rosalia de Castro (Maio 1988). Esta foto realizouse na visita ás adegas de Oporto e nela aparecen os seguintes profesores do Rosalia de Castro: Daniel Blanco, Conchita Méndez (a miña nai), Mary (VIMA) e Mary Ferreño.

#Memoriarural 1988: O 6 de febreiro de 1988, Centristas de Galicia aclamaba como líder único, o seu fundador, Victorino Núñez, no seu primeiro congreso constituinte no Monte Medo (Baños de Molgas), baixo o slogan ¨Artellar Galicia¨.  Na foto da primeira páxina, podemos observar na mesa constituinte,  á alcaldesa de Sandiás, María Concepción Méndez, na parte da esquerda da foto, e a alcaldesa de Cualedro, Marina Cuquejo, na parte dereita da foto. 

#Memoriarural 1988: Adhesivo de publicidade do partido Centristas de Galicia, partido activo sobre todo na provincia de Ourense,  desde o ano 1985,  produto dunha escisión de Coalición Galega, ata a súa integración no Partido Popular no ano 1991. 

#Memoriarural 1988: Adhesivo de publicidade do  primeiro congreso de Centristas de Galicia, baixo o slogan ¨Artellar Galicia¨,  que tivo lugar no Monte Medo (Baños de Molgas), o 6 de febreiro de 1988. Na candidatura deste comité executivo, aparece a alcaldesa de Sandiás, María Concepción Méndez Gándara. 

#Memoriarural 1988: Composición do comité executivo do primeiro congreso de Centristas de Galicia, baixo o slogan ¨Artellar Galicia¨,  que tivo lugar no Monte Medo (Baños de Molgas), o 6 de febreiro de 1988. Na candidatura deste comité executivo, aparece a alcaldesa de Sandiás, María Concepción Méndez Gándara.