No corazón da Antela

#Memoriarural Ano 1998: Operarios do Concello de #Sandiás ( #Ourense ) colocaron en setembro de 1998 o miliario de Zadagós rehabilitado, moi preto de onde se atopara a finais do século XIX ou a comezos do século XX, ó pe daVía Nova ou Vía XVIII. 

  #Memoriarural 1997: Comeza a recuperación do miliario de Zadagós logo da cesión ó Concello de Sandiás polos seus propietarios

# Memoriarural  2014: II Andaina pola Vía Nova romana Río Caldo  (AQUIS OGERESIBUS) - Sandiás (GEMINAS). A foto é diante da portada de Santo Estevo de Sandiás (Século XVI), logo da visita  guiada á Casa da Lagoa de Antela (Centro de Interpretación da lagoa de Antela) e da posterior visita guiada á esta igrexa realizada polo cura de Sandiás, Don Manuel. Na foto, podemos apreciar á alcaldesa de Sandiás, María Concepción Méndez Gándara, e o profesor de Historia Antiga da USC,  D. Antonio Colmenero (14 de setembro de 2014).

#memoriarural  1995: En xullo de 1995, Cultura escoitou as peticións dos veciños e da alcaldesa de  #Sandiás   para que os 3  #miliarios  de Vilariño das Poldras, atopados nese mesmo ano, quedasen onde se atoparon, é dicir, a poucos metros da  #VíaNova .

Os tres miliarios de Vilariño das Poldras no espazo habilitado polo Concello de Sandiás No ano 1995 atopáronse en Vilariño das Poldras (Sandiás - Ourense) 3 miliarios soterrados ó carón da traza da Vía Nova ou Vïa XVIII (Calzada de Bracara a Asturica). Un deles, un dos de maior tamaño da Vía Nova, dedicado ó emperador Máximino e o seu fillo Máximo (Milla LXVII). Nese mesmo ano o Concello de Sandiás conqueriu que non foran trasladados ó Museo Arqueolóxico Provincial de Ourense, habilitando un espazo para ser contemplados polos veciños e por tódolos visitantes.

O miliario de Zadagós (Sandiás) da calzada romana Vía XVIII ou #VíaNova que ía de #BracaraAugusta (Braga) á #AsturicaAugusta (Astorga).  O miliario de Zadagós antes da súa rehabilitación e posterior colocación no seu sitio orixinal  O miliario de Zadagós, que marca a Milla LXXI,dedícouselle ó emperador Maximino e ó seu fillo Máximo (235-238 d.C.). O miliario atopouse a finais do século XIX, ou quizais como apuntan outras fontes no 1920, preto de Zadagós. Partiuse en dous e empregouse como parte dun peche dun patio e dunha palleira en Zadagós. O Concello de Sandiás, a finais dos 90, conseguiu do seu propietario, recuperouno e instalouno nun lugar habilitado a poucos metros onde se atopara, tal e como se pode observar na fotografía.  O miliario de Zadagós despois da súa rehabilitación e a colocación no seu sitio orixinal