Actividades lúdicas e formativas para os veciños e visitantes durante os meses de verán (Xullo, agosto e setembro)

O Concello de Sandiás organizou para o ano 2012 unha serie de actividades lúdicas e formativas para os veciños e visitantes durante os meses do verán (Xullo, agosto, setembro).

Como xa é tradicional durante os meses de verán o Concello de Sandiás organiza unha serie de actividades lúdicas e formativas para os veciños e para os visitantes. Durante o pasado mes de xullo tiveron lugar no colexio público de Sandiás os xogos organizados desde o programa ¨Lecer no rural¨ do Centro de Cultura Popular Xaquín Lorenzo da Deputación de Ourense. Achegar ós nenos que residen nos concellos de menos de 1.500 habitantes actividades lúdicas e culturais durante o verán é o obxectivo do programa "Lecer no rural", que a Deputación de Ourense pon en marcha na súa terceira edición. Un programa gratuíto para todos os concellos que o solicitan e que inclúe obradoiros e xogos tradicionais para que os nenos dos pequenos concellos poidan realizar actividades lúdicas durante o período estival. Os obxectivos do programa "Lecer no rural" son facilitar alternativas lúdicas e saudables para o tempo de lecer aos nenos e nenas do rural ourensán e fomentar espazos de convivencia e socialización entre os nenos e nenas da mesma zona rural.

Con relación ás diferentes actividades diferencianse dous tipos de actividades: para os maiores e para os máis novos.

Actividades para os maiores.

Con relación os maiores do concello as actividades levaranse a cabo en horario de 16,30 a 19,30 horas no Centro Social do Concello de Sandiás, no Forno de Couso e na Escola de Piñeira de Arcos.
As actividades están dirixidas a persoas maiores, tratando de mellorar o seu rendemento, fomentando a sociabilización, hábitos de conduta e a actividade física e mental. Diariamente faise un taller de memoria, como instrumento dirixido a un sector que desexa mellorar o seu rendemento, teñan dificultades ou esten interesadas en incrementa-la. Completase o tempo con xogos variados, recollida de información, paseos, etc.

Actividades para os nenos.

As actividades para os máis pequenos do concello lévanse a cabo de 10,00 a 13,00 horas tódolos días consistindo en actividades de reforzo escolar ós nenos escolarizados no colexio de Sandiás, a partir dos 6 anos. Ó remate das mesmas, e a partir das 11,30 h. – 12,00 h., realízanse actividades de animación e tempo libre, nas que poden participar todos os demais nenos interesados. Neste momento de lecer as actividades son variadas: debuxo, papiroflexia, talleres de reciclaxe, xogos diversos en pequeno e gran grupo, que favorecen as relacións e a cooperación, e tempo de xogo libre.

Comentarios

Publicacións populares deste blog

María Concepción Méndez Gándara, mestra en varias localidades da provincia e alcaldesa de Sandiás durante moitos anos, nova entrada do blog ¨Historia das nosas mulleres¨

¨Cousas da Limia"

#Memoriarural 1988: O 6 de febreiro de 1988, Centristas de Galicia aclamaba como líder único, o seu fundador, Victorino Núñez, no seu primeiro congreso constituinte no Monte Medo (Baños de Molgas)